龍泉冰廳

营业中

休息中

龙泉冰厅系铜锣湾嘅多样化港式茶餐厅，实惠嘅价钱提供丰盛嘅食物，餐点种类很多，所以最近我都尝试吓呢度啲地道嘅港式美食。冰厅内以简约木系设计，灯光明亮，简洁舒服。菜单都好丰富，包括早餐、特式下午茶、中式、日式、韩式、焗饭、炒粉面饭、小菜套餐等，选择很多。瑞士汁鸡髀拼杂果沙律    $50   呢个都抵赞，瑞士汁好入味，带少少甜，鸡肉嫩滑，加埋香甜嘅杂果沙律，好味道。黑松露炒蛋多士    $48 多士厚厚一片，烘到微暖，香软有少少脆口，涂抹一大片牛油，再放上都好足料嘅炒蛋，炒蛋香滑浓郁，黑松露份量唔吝啬之余亦无抢过蛋香，整体食落香口而唔油腻，系我记忆中嘅味道。自选双拼汤面餐    $45  𩠌拣沙嗲牛肉同雪菜肉丝，今次试吓米线，条条爽滑，汤底带少少辣好惹味。沙嗲牛肉都几大片，酱料浓郁，雪菜又唔会太咸，肉丝有质感，依两款𩠌配米线好食。另一碗双拼即食面 $45，系煎蛋拼沙嗲牛肉，面条唔会煮到过淋，牛肉都有浓浓沙嗲香，与煎蛋很配合。经典红豆冰  (+$10)   点咗杯唔系红豆冰，系茶餐厅经典饮品，椰汁味浓郁，与甜甜嘅红豆混合一起，赞！另外拣左冻柠檬水，柠檬清香，冰凉解渴。