八幡屋日本料理 (已結業)

今次同朋友就黎到八幡屋度食，呢一度喺兆万9楼，个环境几靓架，一出门就会见到大大个招牌喺面前。环境上呢度几宽敞下，坐都坐得几舒服，而且喺櫈既下面仲有个篮可以放私人物品，超级方便。呢一度佢有一个升级体验，虽然要加钱但系可以食既选择就更多，同埋真系几好食。升级体验中个日式海胆蒸蛋好好食，当中既蛋好滑，而且味道又唔会去到好甜既感觉，甜度适中。另外佢既和牛寿司都值得推介下，同其他既和牛寿司比较起黎，佢既肉质咬落去易嚼，而且牛既味道相对浓厚啲。去到放题，就一定要点刺身食啦！呢度刺身选择亦都有好多，其中有头甜虾我觉得好好食，三文鱼亦都几新鲜。另外迷你海胆手卷都好值得推介，虽然份量真系小小地好迷你，但海胆相对手卷既比例都多，而且冇沙，几好食。熟食方面，炸鸡软骨粒好好食，佢既咸味比较低，而且炸粉亦都小，所以唔会觉得系食完就饱肚，冇果种油腻感。天妇罗，日式蟹粥亦都好好食，一样地炸粉唔多，蟹粥蟹味都相对几浓。雪糕，雪米糍都可以喺门口度拎到，而且呢度有埋冰菠萝片！