龍城冰室

营业中

休息中

平时想平啲食一餐嘅话，好多时都会选择去食茶餐厅，又平出餐又快，啱晒我呢啲贫穷打工仔。今次喺尖沙咀附近同朋友一齐行街，见到一间茶餐厅都几多人食，而且环境都几光猛，所以决定去食下。因为食嘅系晚市，所以多咗好多小菜可以选择。因此相比于平时食开茶餐厅剩系得炒粉面等嘅传统港式选择之外，呢间嘅菜式有啲似食紧大排档。同朋友嗌咗沙嗲肥牛，煲同埋酸菜鱼（估唔到喺茶餐厅都食到酸菜鱼，而且系几正宗𠮶只）𩠌菜嘅份量好多，白饭更加嘅系一大碗根本食唔晒，建议份量可以细少少唔使浪费嘢食。沙嗲肥牛煲上到嚟镬气十足，而且调味做得啱啱好，入面嘅粉丝亦都给满咗汤汁嘅鲜甜味。酸菜鱼味道酸辣平衡啱啱好，辣到都只系微辣，鱼片虽然识落几爽滑，但系有骨识嘅时候要小心啲。另外一种加钱嗌咗红豆冰，红豆冰嘅奶味好重，虽然红豆嘅份量几多都唔少，但系因为太多奶水冲淡左红豆嘅豆香，所以钟意奶味浓郁嘅人可以尝试吓，应该会钟意。