媽咪雞蛋仔 (已結業)

今日下昼家姐上完兴趣班⛸就话好肚饿，仲点名要食鸡蛋仔🙄，所以返屋企途中就带佢去买。佢一入铺头见到张poster又话想食埋雪糕🍦，见佢消耗完大量体力，就买一个雪糕鸡蛋仔俾佢🤪我见加个野饮有得减4蚊，即刻加个港式奶茶俾自己叹吓🥤小朋友当然喜欢朱古力雪糕，但佢见到有咁多特别口味嘅鸡蛋仔，都会想试新口味，所以叫我买盐烧紫菜粟米味嘅鸡蛋仔😆我地都觉得雪糕里面有好多朱古力碎粒同花生粒好正，又唔会太甜，好快手就被我哋消灭晒。个鸡蛋仔好特别呀，紫菜味浓之余仲带有少少咸(盐)味，中和返雪糕嘅甜味，愈食愈想食😜中间夹左粟米粒，真系饱到呢🤣无茶、咖啡不欢嘅我就觉得个冻奶茶好好好香茶味，奶量适中仲系少甜嘅感觉，喜欢佢无冰唔会沟淡个奶茶味，呢个下午茶我哋都觉得好满足，所以想share吓🥳