元札幌拉麵 (悅來坊)

营业中

休息中

行过就俾门口既多啦A梦吸引左我地，就入左去试，餐厅环境唔似一般既拉面店，有居酒屋既氛围，同朋友倾计一流。一坐低，店员就好亲切递上餐牌同茶，冻冻地饮杯茶，睇下餐牌拣下食d咩。🔻地狱拉面$72见到餐牌有3只辣椒，怕辣，同店员讲小辣，黎到汤底真系无咁辣, 无盖过本身味噌汤的味, 可以再辣多dd就最好 ，面身弹牙，唔系幼身面 所以有够咬口。日式叉烧半肥瘦厚薄适中, 最紧要仲有朋友最爱 溏心蛋, 几渍到蛋黄都有酱油香，但蛋白都系好软身,仲要系有比成只溏心蛋，赞!🔻 温泉蛋牛舌饭$75个饭一黎到，我地就俾佢几块厚切牛舌吓亲😂平时见到既都系薄薄几片...依度既牛舌好谂同入味，真系好，啱哂我。个餐仲有前菜沙律、味噌汤及茶碗蒸蛋，望落d蛋好似好老，但一食里面d蛋系好嫩，仲有鸡肉粒、冬菇同鱼板。