蒲頭島 (已結業)

嚟到大埔朋友介绍我一定要嚟呢一间蒲头岛度打边炉，佢话原来有得烧烤又有得打边炉，不过我自己知自己事，见到cut咗咁多日就唔博命净系打边炉算啦！一入到去环境都好大㖞！见未开炉梗系咋咋淋去睇下有啲乜嘢小食食住先啦！见到咁多小食咁就当然系样样都夹啲啦！款式好多其实净系食小食都食得饱啦！净系嘢饮都有几个雪柜俾我慢慢拣！一望到忌廉沟鲜奶二话不说梗系拣佢啦！就连打边炉嘅配菜都摆好晒一碟碟等你自己拎返去，干净得来又唔会话份量太多！唔使嘥野！买到位坐发现呢度点菜都几特别㖞！我哋就选择咗安格斯牛肉套餐！安格斯牛肉就只系包括一份，不过普通牛肉甚至其他海鲜都系任叫嘅！一份牛肉当然满足唔到我呢个食肉兽啦！总括来讲呢度都几抵食嘅！基本上就算叫边一个套餐都可以食晒其他所有嘅配菜！