Curries Inc (已結業)

基于本人生性八卦，得知希云街和加路连山道一带有很多新餐厅开业，所以今日假期特别到来一试! 眼见一间装修得有少少外国味道既店，喺店外见电视萤幕及店内menu有8款咖哩，但原来每日只卖4款，而今日只得牛肉及鸡肉各2款 : 绿咖哩鸡、玛沙曼牛肉、红咖哩牛肉和马来咖哩，而咖哩size亦有2款拣，一种系12oz，另一种系28oz，而价钱相对28oz系抵食啲，但一个人既我就只可拣12oz，白饭加$5或印度烤饼$14 (已现售罄)。我拣咗"玛沙曼牛肉"， 因为店员话系泰国咖哩，而我印象中出面既泰菜馆亦好少有，所以想试试有几特别 ... 咖哩好香椰奶味，有少少辣，内有牛腩亦有少少花生粒，口感几特别，同喺出面既泰菜馆既绿咖哩、红咖哩、黄咖哩有好大分别，食食下我就食哂成碗饭，一滴汁都唔想放过! 食完饭就一定要饮野啦，雪柜内有汽水同Shezan既果汁，而我就拣柠檬，味道比较清新自然，唔怪得系店员推介。