咖喱邦 (已結業)

咖哩都有分好多唔同国家嘅风味，今日去开沙田新城市广场就见识到唔同国家嘅正宗咖喱，餐厅有供应泰国、新加坡、印度和日本四国咖喱～我同朋友就拣咗泰国咖哩嘅沙哗啲Duck，以月桂叶、姜黄和小茴香等香料调配，加入香茅、南姜和甜罗勒等，提升香气，再注入鱼露和椰浆增添口感，青辣椒带出少少辣去吊味，越食越有去咗泰国旅游嘅感觉☺️鸭肉外皮烧得香脆，口感超有惊喜🤩；旋风蛋煮得好嫩滑香口，真系好好下饭。另外，仲拣咗印度咖哩嘅印度神牛，印度咖喱系味道最为浓郁，主要香料包括姜黄、芫荽、小茴香、丁香和绿豆蔻，再配上新鲜咖 喱叶，番茄和洋葱，口感如奶油般顺滑，而且充满印度风情～见6串串烧组合只系$138咁抵食就叫咗山贼牛肋骨串、白鳝串、鸡软骨肉棒 x2、蒜香粟米、茄子黎试下，串烧系配马来西亚阿参咖哩，串烧有日本居酒屋嘅质素，配上咖哩味道更浓郁惹味😋千层吐司外层焗得金香酥脆，有一层层效果得嚟又结构紧密，本身已经好出色，配上咖喱汁更系锦上添花👍🏻-千层吐司 $48-6串串烧组合 $138-印度神牛配印度咖喱 $178-沙哗啲Duck配泰国咖喱 $158