Pop Street (已結業)

前两日太肚饿，求其入咗位于第三街既Pop street，估唔到几十蚊嘅价钱咁有惊喜。首先间餐厅虽然唔多位，但枱与枱中间唔太迫，加上几个后生仔斯文有礼，成个用餐感觉好舒服。老公叫左客「鬼佬叉烧饭」，食落去好有肉汁，要俾个赞几十蚊仲有埋羽衣甘蓝🥬做配菜，好有诚意呀！我自己就叫左个越南🇻🇳鸡丝 baguette ，个baguette 焗得几脆，但略嫌啲鸡丝有啲「鞋」同唔够香，加上啲酸瓜切得唔细，分布唔平均令到个包冇咁juicy。至于薯条🍟就炸得几好食！随餐仲送左炸饺子做餐前小食，唔错个餐包一杯野饮，咖啡系即磨的，茶☕️亦有Earl grey 拣，好满足！