影片
更多
2005-07-27
13 浏览
23-7-2005 1555这里出名的并不是好似附近的乜乜牛腩或捞粗，而系多士。从星期三晚开始，各种类型麻烦事陆陆续续来，只有加，冇减，身心疲惫，心病连心药也医不到，真系想一跳落去就算，系既话十几年前已经在地狱、天堂或已投胎重新做人。所有非工作上的约会要几乎全部推掉，只有独个儿才能去治这个不治之证。星期日应该系出去同屋企人、朋友、拖友及猪朋狗友出街的好时候，唯独我喜欢在屋企静静地咁渡过，不是一般人的习惯，便要成为异族，俾人舍弃系好正常既事。下午时份，见闷热及之前冇乜点食饭，落街食番补充体力去战斗。这间店应该系我第2次来，上一次应该系年半既事，冇计啦，之前又系发生太多事，搅左成半年先至好番的。一入来点了隔离舖的招牌菜，切腩捞粗，腩要坑腩，但系其他台点其他粉面，奇怪，唔理，唔改单，照去。上台前，望住个师傅用毫油不断搅动粗面，捞好后便是落少少麻油，加埋切腩及少少通菜便上台。都几对办，比较湿，就算唔系浸汤都可以，汤冇隔离舖咁咸，牛腩系百分百坑腩，唔错唔错，口感一流，面就冇乜碱水味。本来谂住埋单走人，唔系好饱，食乜好呢？依稀记得这里的多士唔错，可惜冇乜人识欣赏兼往往会被人遗忘，这就是香港人习惯性
这里出名的并不是好似附近的乜乜牛腩或捞粗，而系多士。
从星期三晚开始，各种类型麻烦事陆陆续续来，只有加，冇减，身心疲惫，心病连心药也医不到，真系想一跳落去就算，系既话十几年前已经在地狱、天堂或已投胎重新做人。所有非工作上的约会要几乎全部推掉，只有独个儿才能去治这个不治之证。
星期日应该系出去同屋企人、朋友、拖友及猪朋狗友出街的好时候，唯独我喜欢在屋企静静地咁渡过，不是一般人的习惯，便要成为异族，俾人舍弃系好正常既事。下午时份，见闷热及之前冇乜点食饭，落街食番补充体力去战斗。
这间店应该系我第2次来，上一次应该系年半既事，冇计啦，之前又系发生太多事，搅左成半年先至好番的。一入来点了隔离舖的招牌菜，切腩捞粗，腩要坑腩，但系其他台点其他粉面，奇怪，唔理，唔改单，照去。上台前，望住个师傅用毫油不断搅动粗面，捞好后便是落少少麻油，加埋切腩及少少通菜便上台。都几对办，比较湿，就算唔系浸汤都可以，汤冇隔离舖咁咸，牛腩系百分百坑腩，唔错唔错，口感一流，面就冇乜碱水味。本来谂住埋单走人，唔系好饱，食乜好呢？依稀记得这里的多士唔错，可惜冇乜人识欣赏兼往往会被人遗忘，这就是香港人习惯性的羊群心态，冇得救。讲番正题，自己点了最简单的奶油多，面包已预先整定，然后烘底，搽完牛油再上练奶，本来冇乜奇望，一咬落去，好好㖞，非常松化，唔硬，同胜香园有得挥，以后唔驶去咁远食啦。
埋单28蚊，多士系6蚊，经济抵食，抵食及味道5分系俾件多士，出门口后似乎揾到医心病的方法！
题外话：后段的食评是差唔多在天光去完成埋尾工作，一路写，一路听紧郑融既终身学习，其中一段歌词系：“…纵使寻常地又失恋学习未会完直到有一天耐心等到美丽大团圆若快乐太少但太多兜转从来未厌倦…”。
张贴
