影片
更多
2023-04-26
2629 浏览
旺角兆万中心不嬲都系日式放题集中地，竞争激烈，所以性价比都几高，今日就随意拣咗一间放题，见到极上帝王水产呢个名好似最杀食，一于就试吓佢。入座后，首先见到呢个前菜同调味盘，当然你可以无限追加。正如刚才讲㖞，而家嘅放题竞争激烈，又点止平时只系刺身串烧之类咁简单，呢度首先已经嚟一个冬阴功海鲜汤，入面有海虾、蚬肉、翡翠螺等海鲜，而佢嘅冬阴功配合返香港人口味，辣得嚟又带少少甜甜地，所以非常开胃。始终日式放题当然唔少得刺身，呢度总共有超过10款刺身，当然唔少得三文鱼、帆立贝、赤虾等等，全部都够新鲜，摆盘又够靓，真系非常打卡。此外，我哋都叫咗几款寿司，分别系芝士蟹籽军舰、极上芝士鳗鱼卷、牛油果软壳蟹卷。然后就系食寿喜烧，首先放入牛油，然后再放入牛肉稍为煎香。跟住就加入寿喜烧汤，然后再放入其他蔬菜等配料，就成为咗我哋自家制嘅寿喜烧喇。之后，我哋又叫咗几款料理，包括日本芝士年糕、天妇罗、日本番薯仔同埋胡麻冷豆腐。仲有孜然牛、羊肉串，七味三文鱼骨腩。另外仲有泰式飞天通菜、香甜牛油粟米同烧菠萝，真系够晒丰富。饮品方面都有好多选择，有糖无糖有汽无汽嘅都有。除咗雪柜入面嘅甜品，仲有唔同款式嘅雪糕雪条，大部份都系
入座后，首先见到呢个前菜同调味盘，当然你可以无限追加。
正如刚才讲㖞，而家嘅放题竞争激烈，又点止平时只系刺身串烧之类咁简单，呢度首先已经嚟一个冬阴功海鲜汤，入面有海虾、蚬肉、翡翠螺等海鲜，而佢嘅冬阴功配合返香港人口味，辣得嚟又带少少甜甜地，所以非常开胃。
始终日式放题当然唔少得刺身，呢度总共有超过10款刺身，当然唔少得三文鱼、帆立贝、赤虾等等，全部都够新鲜，摆盘又够靓，真系非常打卡。
此外，我哋都叫咗几款寿司，分别系芝士蟹籽军舰、极上芝士鳗鱼卷、牛油果软壳蟹卷。
然后就系食寿喜烧，首先放入牛油，然后再放入牛肉稍为煎香。
跟住就加入寿喜烧汤，然后再放入其他蔬菜等配料，就成为咗我哋自家制嘅寿喜烧喇。
之后，我哋又叫咗几款料理，包括日本芝士年糕、天妇罗、日本番薯仔同埋胡麻冷豆腐。
仲有孜然牛、羊肉串，七味三文鱼骨腩。
另外仲有泰式飞天通菜、香甜牛油粟米同烧菠萝，真系够晒丰富。
饮品方面都有好多选择，有糖无糖有汽无汽嘅都有。
除咗雪柜入面嘅甜品，仲有唔同款式嘅雪糕雪条，大部份都系来自韩国嘅冻品。
呢间极上帝王水产不单只食物丰富多元化，佢哋嘅服务都好好，店员会主动帮客人换碟，上菜速度又够快，一定要再encore。
张贴
