影片
更多
2023-06-07
143 浏览
好多年前系Peel Street果阵我已经成日去饮佢啲local tap beer。当时铺位细好多，次次去都爆场架 ！想食个饭都有难度😅2021年1月佢光荣结业果阵我仲好伤心😢始终果到有好多回忆架嘛！直至到有一日我行经过LKF 竟然俾我见到何兰正个招牌！果然唔系眼花！佢揾左新铺位🥳我记得当时即刻影左张相send俾朋友，真心兴奋架！搬新铺到而家我帮衬左6次左右啦。每一次带朋友去佢地都好钟意。呢到个vibe真系好正👍🏻大家印象最深刻既一定系佢果4只霓虹灯大字《鬼佬凉茶》俾人打卡都打到晕😂而家地点近左地铁站，唔使再行上半山行到身水身汗。地方又阔落左好多，揾成大班朋友去食饭都无问题啦😌唯一可惜既就系佢无左个beer flight🥲想当年我例牌都嗌呢个架！一次过试4杯唔同tap beer，细细杯唔惊饮到饱晒。我想争取要返个beer flight可唔可以？😅入返正题先。呢到除左叹啤酒同影靓相之外，佢啲野食都相当出色架。当晚同朋友试左4样野食，认真每一样都好食！最后2条友都食到爆肚🤰🏻超饱啰但好满足☺️✨奶香十足顶级意大利流心芝士(200g) $218配超甜荷兰小蕃茄、牛油果、意大利式中国芫茜香草酱、
2021年1月佢光荣结业果阵我仲好伤心😢始终果到有好多回忆架嘛！直至到有一日我行经过LKF 竟然俾我见到何兰正个招牌！果然唔系眼花！佢揾左新铺位🥳我记得当时即刻影左张相send俾朋友，真心兴奋架！
搬新铺到而家我帮衬左6次左右啦。每一次带朋友去佢地都好钟意。呢到个vibe真系好正👍🏻大家印象最深刻既一定系佢果4只霓虹灯大字《鬼佬凉茶》俾人打卡都打到晕😂
而家地点近左地铁站，唔使再行上半山行到身水身汗。地方又阔落左好多，揾成大班朋友去食饭都无问题啦😌
唯一可惜既就系佢无左个beer flight🥲想当年我例牌都嗌呢个架！一次过试4杯唔同tap beer，细细杯唔惊饮到饱晒。我想争取要返个beer flight可唔可以？😅
入返正题先。呢到除左叹啤酒同影靓相之外，佢啲野食都相当出色架。当晚同朋友试左4样野食，认真每一样都好食！最后2条友都食到爆肚🤰🏻超饱啰但好满足☺️
✨奶香十足顶级意大利流心芝士(200g) $218
配超甜荷兰小蕃茄、牛油果、意大利式中国芫茜香草酱、刀削白灵菇、肉松及湖北烧蕃茄香辣汁
食burrata cheese我个人系钟意食实身啲既，而呢个口感正合我心意。平时西式就配olive oil食啦，呢个系中西合。creamy burrata cheese配惹味既湖北烧蕃茄香辣汁。每一啖都感觉到我啲味蕾跳紧开心舞💃🏻同埋佢个刀削白灵菇真系唔讲以为佢系意粉黎架！每一条弹牙既菇都染上香草酱。另外仲配有米通，一齐食可以增加口感。
🐷24小时慢煮伊比利亚叉烧 $198
配日本温泉蛋、红洋葱渍、香喷喷香葱猪油捞饭
呢个可以话系呢到既招牌！次次黎亲都会见好几枱会嗌。每一嚿叉烧都肥瘦均匀，慢煮到肉质十分软腍！配埋超香超邪恶既香葱猪油捞饭，真系每一啖都系幸福既感觉🥰A good day for me, sad day for the pig😝
🐮先炆后煎澳洲和牛脸 $198
配浓香沙爹汁、荷兰豆、铁板先炆后煎猪粉肠及肠粉
呢个和牛面珠墩好鬼大块，但一切即开！入口即溶，牛味十足！我平时唔食猪粉肠架，谂住反正有埋就试一嚿啦。佢完全无果浸猪内脏会有既异味！食落粉粉地，配埋个香浓沙爹汁，食下食竟然俾我地食晒！连我个鬼妹朋友都话好食🤤(话时话佢都话想争取返有无个"鬼妹凉茶"neon sign🤣)
✨极幼滑花生酱焦糖炖蛋 $148
配炼奶西班牙松脆包、热带果酱、迷迭香煮菠萝
呢个卖相系有既，花生酱同炖蛋系又香又幼滑既，系食落有啲甜啰。好在佢又加返个酸酸地既热带果酱同菠萝，用返个酸味去中和返个甜味。我直接将个炖蛋用黎搽脆脆面包食仲可以增强口感。
🍺是L但 $85
呢杯系IPA，好易入口。啤酒大把选择！拣唔到既即管叫侍应介绍，佢地全部都好nice架😎
✨小高特调 $125
呢杯都系侍应弟弟介绍既。呢杯都重酒味架！用左白兰树下既gin同铁观音做茶底。饮落有花香又有茶香，味道多层次。
张贴
