影片
更多
2017-04-20
1143 浏览
我由中学时代食到而家投身社会，每次带朋友黎完，佢地都会话真系好食，会再回顾。虽然只系位于政府街市上一个不太显眼，没有特别装潢的舖位，但食物质素令好多人都识。今次系朋友提议想食印度咖哩作为佢生日饭。我地两个人食两点左右嘅午餐（已冇lunch set）,叫左春卷，芝士naan,牛吞咖哩，一杯mango lassi同lame soda，随餐附送pepper薄餐两块。春卷，俾朋友赞到不绝。😂原因系炸得刚好，咬落咔嚓一声，好脆，而且唔油！最怕就系食到成手成口油，但呢个绝对唔会。酱料系普通甜酸酱，好夹好味。牛舌咖哩，大大旧牛舌，入味，咖哩我选择小辣，所以食落口依然食得出咖哩香味，入面啲香料。我对咖哩好执著，个人喜爱印度呢种多过日本甜咖哩。另外要提提嘅系，咖哩可以选择几辣，根据你自己口味，虽然餐牌有中文，方便叫餐 ，但若然有其他要求，都最好讲几只英文字，员工都只懂印度话同英文。🤔咖哩份量都唔算细，睇落以为少，但食埋naan就会好饱肚。建议第一次食少量试下。咖哩除左牛，仲有鸡，鱼，羊，所以就算有啲唔食嘅食物，都总有一样啱你。Cheese naan,好食到晕😋😋我冇夸张，芝士份量多到芝心批咁，拉开仲会连
今次系朋友提议想食印度咖哩作为佢生日饭。我地两个人食两点左右嘅午餐（已冇lunch set）,叫左春卷，芝士naan,牛吞咖哩，一杯mango lassi同lame soda，随餐附送pepper薄餐两块。
春卷，俾朋友赞到不绝。😂原因系炸得刚好，咬落咔嚓一声，好脆，而且唔油！最怕就系食到成手成口油，但呢个绝对唔会。酱料系普通甜酸酱，好夹好味。
牛舌咖哩，大大旧牛舌，入味，咖哩我选择小辣，所以食落口依然食得出咖哩香味，入面啲香料。我对咖哩好执著，个人喜爱印度呢种多过日本甜咖哩。另外要提提嘅系，咖哩可以选择几辣，根据你自己口味，虽然餐牌有中文，方便叫餐 ，但若然有其他要求，都最好讲几只英文字，员工都只懂印度话同英文。🤔
咖哩份量都唔算细，睇落以为少，但食埋naan就会好饱肚。建议第一次食少量试下。咖哩除左牛，仲有鸡，鱼，羊，所以就算有啲唔食嘅食物，都总有一样啱你。
Cheese naan,好食到晕😋😋我冇夸张，芝士份量多到芝心批咁，拉开仲会连住丝（我冇影相），一定要推荐大家去试下呢个。我唔肯定其他印度菜舖头有冇呢样，但呢间值得试，唔会失望。
pepper味薄餐，佢好脆好香胡椒味，可惜酱汁我唔太惯个种咸辣味，青色嘅酱，但唔似青咖哩。整体唔错
饮品就调得刚好，唔会太甜，lime soda比出面重梳打味，mango lassi比外面其他舖淡。饮完食完都唔会好腻。
服务质素唔算差，员工好有礼貌招呼你，走个阵亦会讲再见。
环境由于系政府街市上面，唔可以话好干净，但唔系对正洗手间位，大致上还可接受。
有样可以提下未试过嘅朋友仔，佢lunch出左lunch set,依稀记得四十几蚊至五十几蚊，咖哩包埋一碟普通naan,好抵食。如果怕未必适合自己口味，可以平平地试下先。
位置唔难揾，我记得系跑台山地铁一出，行5至10分钟就到。虽然位于电气道街市，但跑台山出最近。有个可以搭去图书馆或熟食市lift,好方便。
想食有保证食物，不妨试下呢间。钟意食咖哩嘅一定一试难忘。公众假期冇另外收费，人唔算多，但12点左右就会好多人食。
是次消费共222蚊，中价唔算平。
牛舌咖哩与Cheese naan
29 浏览
0 赞好
0 留言
spring roll春卷
40 浏览
0 赞好
0 留言
lime soda
19 浏览
0 赞好
0 留言
mango lassi
38 浏览
0 赞好
0 留言
送嘅pepper 薄餐
35 浏览
0 赞好
0 留言
张贴
