安娜餐廳

营业中

休息中

叫左个「全餐」，首先嚟嘅系餐汤同埋多士，我叫嘅系红汤，我钟意用多士点汤食。如果单食多士，多士脆嘅，唔会好似有啲餐厅咁烘完都好淋。虽然呢碟野睇落好普通，但系其实我好钟意食粗薯条，都系果句啦，炸完都系脆嘅，唔会好似平时啲快餐店咁淋晒。不过就真系超唔钟意三色豆，haha 同行嘅朋友都唔钟意三色豆。主菜方面，我拣咗黑椒牛扒饭，叫左少饭依然分量十足。如果平时散叫铁板嘅牛扒，佢会问你想要几多成熟，不过由于呢个系「全餐」，所以就冇得拣生熟度。虽然冇得拣生熟度，但系都唔会完全熟晒，令到牛扒又鞋又干，咬落都香牛汁味。最后我同我朋友都太饱，冇食到甜品，甜品可以拣啫喱或者雪糕。