鋾鋾星林居

营业中

休息中

星林居，食咗好多年，最早都系食金马伦道三楼𠮶间居多，乐道呢间就近公司方便d。早几年味道都几好，偶有发挥不正常嘅时候，但都过得去！但我想讲近呢年几去咗差唔多五六次，冇一次食到正常水准，今次更加令人激气呀！首先一入到去𠮶阿姐就鬼咁串讲嘢，三个人逐个落单都唔得，串住叫我哋全部人拣好先落单，OK，我哋照做！我剔咗中辣非常酸+米线煮久，落单后2分钟有野食，仲惊讶咁高效，结果筷子撩咗一条米线就知濑嘢，好硬…即刻叫人煮过，等咗一阵先有个男伙计走来问乜事，之后拎返入厨房重新煮过，但煮完后所有配料腐竹都淋嗮😤此时先食𠮶味道，我话过嗌咗「非常酸」但今次又系同之前几次一样系冇酸味嘅…无奈将就自己加d醋求其食啲算！两个frd𠮶碗就畀错料，其中一个frd嗌咗豆卜，但d豆卜系冇煮过嘅又干又硬… 𠮶环境系好逼唔使讲，门口部冷气又冇开到㖞⋯⋯我哋就咁吹著风扇嘅热风食到周身汗…连续几次嗌亲d嘢煮出来都唔啱，真系唔知佢哋搞紧乜！？系觉得自己太好生意定唔想做呢？！开得门做生意应该对食客负责呢啲基本嘢喇！今时今日仲咁串（西）嘅态度，讲真影衰香港饮食业！大佬我下次宁愿食隔离两𩠌饭都绝对唔会再帮衬喇！