影片
更多
2008-05-25
39 浏览
住了呢区咁多年, 今日先第一次帮衬闻名已久0既创发, 真系讲都无人信兼笑死人 -_-" 一行 4 人叫了 5 个(食送), 4 个饭及两个甜品, 食得非常饱足:- 豉汁蛏子: 碟头好巨, 蛏子亦比想像中长身及厚肉. 炒到甩晒壳的, d 肉鲜甜爽身, 汁够味又唔会太抢, 好好食! 不过有好几只都有沙, 可惜.- 椒丝通菜: 通菜炒得腍身, 去晒 d 青味, 几对口味.- 猪脚冻: 第一次食呢样0野...「胶」多过肉, 感觉有少少似上海菜的肴肉, 食落几鲜味, 蘸埋咸咸香香的鱼露就仲正!- 卤水鹅片并鹅肠, 豆腐底: 卤水汁好香好够味, 鹅片薄切, 好入味又几腍嫩, 非常好食! 鹅肠洗得好干净, 阿爸话好硬, 我则觉得好爽脆, 几好食; 豆腐一样好入味, 亦几滑, 唔错唔错.- 冻龙虾: 冻蟹就食得多, 冻龙虾都系第一次食... d 膏非常甘香, 肉质结实, 食落 sok sok 声, 不过始终干0左 d, 唔蘸上梅汁 (?) 根本无味. 我都系钟意食冻蟹多 d.- 清心丸姜薯: 姜薯 (即系深薯...?) 咁少见, 呢度有供应就当然叫个试试. 糖水好甜亦杰杰的;
- 豉汁蛏子: 碟头好巨, 蛏子亦比想像中长身及厚肉. 炒到甩晒壳的, d 肉鲜甜爽身, 汁够味又唔会太抢, 好好食! 不过有好几只都有沙, 可惜.
- 椒丝通菜: 通菜炒得腍身, 去晒 d 青味, 几对口味.
- 猪脚冻: 第一次食呢样0野...「胶」多过肉, 感觉有少少似上海菜的肴肉, 食落几鲜味, 蘸埋咸咸香香的鱼露就仲正!
- 卤水鹅片并鹅肠, 豆腐底: 卤水汁好香好够味, 鹅片薄切, 好入味又几腍嫩, 非常好食! 鹅肠洗得好干净, 阿爸话好硬, 我则觉得好爽脆, 几好食; 豆腐一样好入味, 亦几滑, 唔错唔错.
- 冻龙虾: 冻蟹就食得多, 冻龙虾都系第一次食... d 膏非常甘香, 肉质结实, 食落 sok sok 声, 不过始终干0左 d, 唔蘸上梅汁 (?) 根本无味. 我都系钟意食冻蟹多 d.
- 清心丸姜薯: 姜薯 (即系深薯...?) 咁少见, 呢度有供应就当然叫个试试. 糖水好甜亦杰杰的; 清心丸同平日食到的一样, 烟烟韧韧; 姜薯以前0系大陆食过, 口感味道都好似淮山, 但就带点海底椰0个只烟韧, 几得意; 另外仲有银杏, 粉粉软软, 好食.
- 水蒸包 (莲蓉 / 豆沙): 叫呢个纯粹因为反沙芋条无得供应... 食了一只豆沙馅的, 热辣辣, 层皮厚薄适宜, 极烟韧, 豆沙馅豆味浓郁, 亦出奇地唔系咁甜, 好对胃口!
环境地 mou, 格局同凤华路边鸡好似, 不过0黎到都唔系食装修0架啦, 无问题; 招呼亦唔系真系咁差, 阿叔 / 阿姐们个个有求必应的, 算系咁.
食咁多唔平又好食0既0野, 埋单每人 $200, 合理的. 好0野 -- 以后唔使再「挨」乐口福了! =P
张贴
