孖寶 (已結業)

好耐都冇去上水食饭，今晚拣咗一间西餐厅同朋友一边食一边倾偈。孖宝小馆算系上水数一数二嘅西餐厅，开咗好多年，以前成日都嚟食饭。朋友叫咗一个西班牙黑毛猪架，猪架煎得刚刚好，唔会煎到硬晒，能够锁住肉汁，猪肉肉感软熟，点埋黑椒汁食好入味。配埋薯仔一齐食，份量刚刚好。我叫咗龙虾汁虎虾意大利饭，意大利饭一上到枱热辣辣，而且饭粒软中带硬，容易入口。虎虾好大只，而且啲肉超级弹牙，食得出系好新鲜嘅虾。龙虾汁都几浓味，好似系淆咗好耐嘅龙虾汤咁嘅味道，令人回味。