添喜冰室 (已結業)

今日有事晏左起身，点几钟系时候出去揾嘢食，行过见到有间冰室好似好新净，就入去食个快饭。 我谂呢间餐厅系新开嘅，非常光猛，座位都舒服，唔会太过逼夹。望望个Menu，除咗平时成日叫得多嘅常餐之外，仲有好多唔同菜种选择，好似日式同西式咁样，仲有全日早餐供应添！由于太多选择，真系拣咗好耐先揾到心水，最后我拣咗个菠菜蟹子三文鱼意粉，朋友就拣咗鳗鱼滑蛋饭。虽然系一间冰室，但系对于摆盘绝对唔马虎，睇吓个菠菜蟹子三文鱼意粉放得几靓又有层次，估唔到小小冰室呢方面都会做得咁仔细，真系眼睛先食。👀另外仲叫咗个鳗鱼蛋饭，鳗鱼配上甜甜嘅鳗鱼汁，加上煎得香滑嘅鸡蛋，仲有沙律菜做伴碟，都系一个唔错嘅选择。呢度仲有唔同嘅传统饮品，有黑牛，雪糕红豆冰，雪山菠萝冰等等⋯我就叫咗个黑牛，唔好睇佢只系朱古力雪糕加可乐，喺冰室饮呢款饮品真系特别有感觉 ，细个嘅时候系好奢侈嘅饮品嚟， 但系而家喺呢度加少少钱就已经有得饮我钟意呢间冰室比较干净又光猛，食物选择多样化，又系一个抵食嘅选择！