屋台屋 (已結業)

落到地铁，醒起今日无野落过肚，打算返公司食包朱古力就算，想起要写食评，无理由买个包然后就咁写个包下话？结果还是要死死地气的揾间餐厅落脚。早前同事想食车仔面，到过附近，又醒起未来过此店，趁时间尚早，就来食碗面。十几年历史亦算是老字号，但近年风评不好，好歹是老字好，好不好也得一试。餐牌配搭比茶记的a、b、c、d、常餐仲要多，无眼睇亦无理由叫寿司、刺身，干脆叫碗猪骨汤拉面就算。面未到，就瞄瞄附近环境，坐落真系好嘈，阿姐不时大呼小叫，又唔识斟茶，寿司吧台的材料乱放一通，混乱得很。拉面上来，见厨房的拉面用日清大盘载著，怀疑是日清拉面，配料唔多，只有笋、葱粒、银芽、紫菜及叉烧，分量亦唔多，卖相认真麻麻。捞匀配料后，喝啖汤，微微的猪肉味，唔够厚亦无层次感，面是唔错，5分钟内吃完的话保证唔会浸腍，叉烧都系咁，瘦多过肥，唔差，亦唔见得好。边吃边嗅著炭炉烧，说是备长炭，唔知真定假，但却是坊间少见的炭烧，都好，比到个藉口自己下次来试试这里的串烧。买单要成$56，咁既价钱不如到附近的函馆去好过。p.s食友说这里变成港式经营，所言非虚。