富泰家 (已搬遷) 新店位置

米奇同米妮成日黎呢间食dinner，因为呢间餐厅可以添饭！米奇个饭量一向都几大，肚饿起上黎，真系两三个正常ge餐都食得落！个捞面都应该系印尼捞面，有少少辣味，落order个阵waiter都话会有少少辣～杂肠有2条半，果2条肠偏硬，有一条入面有辣椒(但唔辣)，另一条貌似有黑椒(因为系有黑色一粒粒)，半条ge系司华力肠......但都唔系好好食。食紧个阵听到隔离枱想叫个辣肉肠芝士捞面，个waitress话，个肠得一条同埋要加8蚊=.=......咁个客人话，ok冇问题，但系个收银就话，唔做呀！就算真系唔做，都应该要好好地讲而唔系咁lor......好似唔系好做到顾客至上wor......猪颈肉个酱好重味，基本上遮晒猪颈肉本身个味。肉质其实唔错，如果剩系煎一煎，加少少盐或椒盐，应该都已经好好食。红米饭本身都好似有d咸咸地，因为唔系好钟意食饭ge米妮都几钟意食呢度ge红米饭，仲要斋食饭都唔会觉得个味好寡。平价饭质素黎讲，都真系唔错。