Nafafa Thai Cuisine & Lounge (已結業)

呢间泰菜环境好靓已经再访左几次🫢今次嚟试下人气菜式款款都好食 非常推荐‼️特别系大河虾🦐大只又多膏🔸NAFAFA虾饼 $78虾饼炸到金黄香脆，食落外层脆卜卜，里面嘅虾肉好鲜甜弹牙，口感外脆内软，点埋特制酱汁食更惹味。🔸海鲜炒河粉 $168呢度河粉用咗多款海鲜，包括带子、青口同埋鱿鱼，非常足料。河粉炒得好出色，每条粉都挂晒汁，口感非常滑溜，但食落唔会好油腻。🔸炭烧猪颈肉 $108猪颈肉份量都好多，外层烤得好焦香，食落肉质好嫩滑，完全唔干唔韧，同个酱汁几夹。🔸泰国大河虾 $368大河虾大只到有成只手肾咁长，烤完后啖啖肉，虾肉好实正好弹牙，味道鲜甜，配有两款酱汁点嚟食。虾膏多到满泻，味道非常甘香，邪恶到不得了。