韓味屋 (已結業)

𠮶日同Mr C行开黎呢边。见铺头刚刚开门，冇排队（平时排队排劲长龙！），咁难得，紧系入去食啦！之前食过，知道前菜可以免费添一次，既系话我哋可以试六款，正！首先系spinach, kimchi同薯仔。好味！九秒九食完，叫Mr C出去睇下可以另外添啲乜，哈哈！今次要咗芽菜，青瓜，鱼仔。芽菜唔系好够味；青瓜就冇乜，菜叶多啲，但𠮶汁好味；鱼仔就正常。另外有两碗海带汤-海带份量少咗啲。Anyways，我哋点咗两个汤饭。我叫牛肉粉丝汤饭（$60），Mr C就点咗个辣海鲜豆腐汤饭（$60）。我个汤饭先上台。仲系热辣辣，滚汤架！份量都几足。牛肉既质感就差啲。有几旧好多根，好难咬。但粉丝好多，汤𠮶味道好正。我放咗𠮶饭入碗汤里面，好好味！Mr C𠮶汤饭都系热辣辣咁，我试过味道，都OK！豆腐够滑，海鲜有虾，clams，等等。份量好似都OK！唯一觉得呢个地方实在太细。入去坐低肥啲都有难度。不过我都明。如果唔系，点做得住。我建议真系要早啲去，如果唔系真系要等好耐！