源發潮州粉麵 (已搬遷) 新店位置

是日与太太专程到新店帮衬，为要试新、旧店有冇分别。新舖阔落好多，食物款式亦多好多。尤其系炸物：炸大肠、猪软骨等等。饮品方面加各种冷热饮品，唔再剩系得豆浆同汽水。我两个人叫：蝴蝶腩河、猪什河、油菜、炸大肠、奶茶同豆浆。蝴蝶腩河保持水准，仍然好味，够份量同价钱平。而且外面确实唔多食到好味蝴蝶腩。猪什河味道亦唔错，但系猪粉肠略带有苦味。油菜一般。炸大肠几干净同几脆，但份量较少，而且配(类似)泰式甜酸酱，唔系几夹。奶茶唔掂！冇茶味、奶亦唔够。豆浆都唔掂！仲有少少酸味，唔知系咪坏？！总括以言，地方大舒服。旧款食物保持，新款食品ok，饮品唔得。