牛一 (元朗廣場) (已結業)

虽然天气热到咩都唔想食，但系心里好想打边炉，于是就去左元朗既牛一到满足自己既欲望啦！原来呢间牛一系新开既，里面既装潢都唔错而且仲好舒适添....我地就点左昆布清汤同埋澳洲和牛既任食...一上枱既和牛卖相十分之吸引，色泽红润而且脂肪分布平均；豚肉都十分新鲜。除左牛猪肉可以任食之外，出而都有唔同种类既配料可以拣：蔬菜除左生菜、娃娃菜同油麦菜等等之外仲有红苋菜同埋超级食物既羽衣甘蓝添。终于食得啦，和牛食落好新鲜而且味道浓郁鲜甜，真系好值得试！豚肉爽口鲜甜，食落去一啲腥味都冇，味道浓郁....真系令我不停咁安哥。呢到既丸类都好多种类，例如有我最爱既墨汁墨鱼丸，麻辣丸，贡丸.....每种都各有特色而且仲好弹牙好好味！食完仲有乳酪雪糕同埋牛奶雪糕食.....仲有其他配料可以添加...芒果乳酪雪糕味道好正而且芒果味好浓郁....为呢餐火锅画上完美既句号！