龍泉冰廳

营业中

休息中

铜锣湾系我去得最多嘅地方，不过大街就成日去，后街就真系好少去下，前几日塔小巴见到龙泉冰厅，佢门口嘅装修已经好令我注意，所以今日我就去食下先。估唔到呢间茶记嘅𩠌又几多款式㖞有小菜， 锯扒，常餐，晚餐乜都齐总会谂到食乜野。 今次我就叫左铁板安格斯牛扒，铁扒上热辣辣先够风味，洋葱汁里面有洋葱丝够诚意，块扒几乎大过块铁板，薯条仲另外装起㖞会俾个汁整淋哂，跟餐个罗宋汤有肉粒够浓味食完大碟肉就叫返个时菜豆腐炆冬菇， 时菜够新鲜已经赢咗一半豆腐有够晒挂汁， 配埋个冬菇真系饭都食多d葱油鸡一攞上嚟个外表已经好吸引， 翠绿幼细嘅葱花 加上师傅调配过嘅酱油 加上烹调时间刚刚好的鸡肉 够晒嫩滑， 跟餐有个中式例汤仲要好味唔系味精水冻柠茶个茶味够浓， 红豆冰大大杯 红豆够大粒又起沙 真系谂起茶餐厅就会谂起红豆冰。今次呢餐我地都食得好满意。