半斤餃子

营业中

休息中

落咗几日雨终于都好天，又系时候出去揾食，见到呢间新开嘅饺子舖，饺子有好多选择，一于入黎试下。饺子可以双拼，汤底亦有两款拣，每枱都有自制菜脯，钟意食几多就几多。野生菌鸡肉饺 + 玉米猪肉饺 :饺子皮够薄，内里馅料充足。鸡肉饺子唔系好常见，软熟嘅鸡肉配上爽口嘅野生菌，比起猪肉饺子较清新；而玉米饺除咗粟米同猪肉外，仲有红萝卜，味道鲜甜；两者各有特色。野生菌螺肉鸡汤好足料，味道非常清甜，无论配饺子或就咁饮都一流。口水鸡 :可以拣辣度，份量都几多，入口鸡肉嫩滑，小辣唔会太辣相当惹味，配埋花生粒，真系食到停唔到口。新张期内送豆浆，豆味香浓，味道唔太甜，都几好味。