大井町日式放題 (已結業)

荃湾美食实在太大，但为左同男朋友呢个大胃王食餐劲嘅，最后就拣左呢间食放题嘅地方。咁食物款式真系非常多，加加埋埋有差唔多20张纸可以点。2条友叫左小小刺身食下，吞拿鱼都几鲜，而甜虾都唔错，我地最中意食嘅甜蛋亦都整得几好，所以我地叫完再叫。牛脷系值得推介嘅，够腍而且好入味，好好食。d手握寿司🍣都好正，因为细细件，唔会食到顶住个肚。铁板牛柳粒送黎系热辣辣，而且好香蒜片味，如果配一碗白饭就好好啦。我地亦都叫左味噌汤，虽然无系日本咁好饮，但我地都觉得好值得番嗌。炸物系放题必点嘅食物，有鸡翼，有芝士年糕，有墨鱼饼，款式众多。蚬肉细细粒好入味，唔太辣。牛肉乌冬都真系不错，无谂过都几好食。最正系食完每人都有得食MOVENPICK，大满足。