七月餐室 (已結業)

成日去九龙湾行街都食商场嘅餐厅，今次就系德福附近工业区揾到一间港式餐厅，佢有好多款式，更加重要环境干净，啲卡位好阔落，好好坐，仲见到佢地都有好多熟客帮衬，多左一份人情味。1.麻辣水煮牛肉（$72）一上菜时睇到成碟都系红色就以为好辣，但又唔会好浓味，啲汤系少少辣同埋好香牛肉味，好岩用黎送饭食。而最惊喜系佢嘅牛肉，系好滑有口感，仲有爽口芽菜、好入味嘅腐竹、木耳等做配料，份量加埋饭岩哂做晚餐！2.金银蒜粉丝蒸鲜鱿（$68）好多香蒜嘅菜式，真系好香，同埋鱿鱼嘅份量好多，多到我同朋友都食唔哂。七月嘅鱿鱼食落口唔会韧，入口啖啖蒜香，而粉丝会索哂鱿鱼嘅鲜味同埋蒜头嘅香味，所以送饭一流👍🏻3.冻柠茶晚餐叫饮品有半价，我地见食辣就叫左冻柠茶，果然香港餐厅嘅冻柠茶系无得输，叫左少甜，个红茶底好浓好出，加上佢用不锈钢杯，更加keep到柠茶嘅冰冻感！