常滿雞煲火鍋專門店 (已結業)

身为荃湾人一定要食匀全区美食，晚上最好就系同成班朋友品尝野味鸡煲，深入二陂坊揾到呢间鸡煲，点解选择呢间？因为款式选择多，有辣有清汤，就到唔同人口味。今次我地４人叫左２个鸡煲，第一款是麻辣常满鸡煲，鸡件算多，超级野味的香辣感觉，每口都吃得非常刺激，虽然只是叫了小辣，只也等同其他鸡煲的中辣。 食得辣中辣既朋友一定唔会放过鸡汁，将这款名为心太软的炸腐皮卷沾上鸡汁，外脆内软完全吸纠鸡汁精华，超入味呀！喜欢再香口一点的可以点传统的腐皮卷，我喜欢沾汁三秒即食，保持香脆口感。见到旁边有人吃这道梅酒千层肉，我也好奇点了一碟，哇～滚完既猪肉都重可以ｋｅｅｐ到浓浓既梅酒香，猪肉在酒中浸过比较松化，值得一赞。 手切肥牛一碟二百几蚊，价钱中中等等，质量不错，肉质偏来软身，牛味浓，脂肪唔算好多，无根好好咬。 最后点左手打四宝丸，最喜欢就系墨鱼丸，打到起晒胶非常弹牙，梅菜梅肉丸比较特别，平常都系食肉饼多，而鲜虾丸就最鲜味，如果唔够饱重可以加个乌冬结尾，真系唔错。