小火焰韓式咖啡廳 (觀點中心) (已結業)

又系黎到apm唔知食乜好既时候，于是乎去apm附近揾好野食，行前少少观点中心，成层都有唔少餐厅拣，价钱相宜又无咁多人，唔错既选择。同行友人拣左间韩式咖啡厅柚子蜜糖鸡翼炒年糕似是部队锅嘅炒年糕，份量非常多，卖相吸引， 一只只鸡翼排好在面， 仲伴上翠玉瓜豆苗菜， 上菜时飘上阵阵热烟，非常吸引。泡菜鳗鱼石锅炒饭泡菜炒饭石头锅上，刚烧起嘅石头锅， 石头锅底仲可以热成饭焦，切碎嘅鳗鱼，每啖都有材料，大件夹抵食。炸鸡Combo 芝味炸鸡食韩国嘢点可以唔食炸鸡，唔同口味拣仲有薯条，香脆可口， 唔会炸得好干，咬落去嘅鸡肉仲juicy。 无得顶芝士海鲜菜饼泡菜铺面，薄薄饼底，材料平均分布于面，仲有一大片泡菜铺面，中和海鲜饼嘅材料，唔怕油腻。酱油虾新鲜虾配韩国酱油， 虾肉爽口弹牙。韩式蟹籽卷蛋卷蛋松软，劲多蟹籽系面，蛋味甜度适中。香蕉朱古力窝夫最后嗌咗个甜品，窝夫松脆香口，铺上糖粉朱古力酱，配上雪糕香蕉，冷热交融，非常满足。下次喺apm谂唔到食咩可以考虑行过少少黎呢度食，推介之选。