華爾登麵包餅店

营业中

休息中

呢间位于西营盘嘅饼店主打怀旧食物，除咗铺头门口嘅月饼卷、鲍鱼酥，仲有三角形朱古力蛋糕、菠萝蛋糕等等🤩今次我就拣咗荷兰挞($13)同花篮蛋糕($13)，靓靓嘅外表同满满嘅忌廉吸引咗我😝荷兰挞喺70年代兴起，以牛油蛋糕同酥皮挞为主体，洒上糖霜再唧少少黄梅酱，呢间铺头仲特登将”烟囱”整成心形😍初头以为好似磅蛋糕咁厚实，但食落好松散同干，好彩烟囱底下有啲忌廉🙈挞皮就做得比较出色，层次分明而且牛油味香浓，稍为薄少少就更好😉花篮蛋糕又名果jam篮，海棉蛋糕嘅表面洒满椰丝，再加啲忌廉同黄梅酱，所以味道上应该好似前者🤣但呢款蛋糕做得好好多，轻盈得嚟又湿润，如果可以自己加多啲忌廉就更正😛此终冇得同以前嘅饼店比较，好难话好定唔好，所以都系个人口味🤓既然有舖头肯继续做，都不妨去试吓👍🏻