WOFT (已結業)

WOFT有超多款手工啤可以选择，而我拣既荔枝啤酒酒精浓度只有5%，饮落几香甜，好易入口，一啲都唔觉得苦涩，虽然个人觉得荔枝味唔系好重。-虽然话系香辣鸡翼，但我觉得唔算好辣，反而系好热𠮶个辣应该真系即整！鸡翼几惹味，不过其中一只个皮有啲位我嫌佢有啲焦，少少我都仲ok。-望落有啲似我之前介绍过既泡菜蘑菇，呢个一咬就feel到好多汁，一啲都唔干净净，同埋见到面头个啲芝士就好开心！但食落菇既味道稍为淡左少少，反而白汁芝士既味道比较出，白汁够creamy，芝士够香浓，又唔太漏。-全餐最欣赏就系呢个芝士软壳蟹窝夫汉堡！窝夫好软熟！软壳蟹好大件，炸得好香脆，唔会太油腻，仲有个堆芝士！正！但由于佢太大份，我个口冇可能一啖咬哂，最后都系要分开续层续层食。而薯条就炸得啱啱好！完全食唔停口，但如果系粗薯条就更开心！-甜品黎喇！个样几靓！上面系焗过既棉花糖，面头焗到少少金黄色，一叉起棉花糖呈半溶状态，而棉花糖底下有朱古力榛子酱。够哂甜，将佢地涂上旁边既饼干一齐食，外脆内软，口感丰富！但由于当时太饱，得两个人真系食唔哂，多啲人share会好啲。