喫麵 (愉景新城) (已結業)

放假咁岩去开愉景新城行街，唔知食咩好，咁岩见到呢间餐厅好多唔同种类既东南亚面食拣，就入左去试😄😄（5分为满分：🌕）味道：🌕🌕🌕🌑🌑新加坡海鲜喇沙面 $88呢碗应该系依间铺既signature，汤底浓郁，虽然有少少辣但好惹味🤣🤣配料都几充足，有青口，大大只虾，鱿鱼须，仲有一只流心蛋，味道都尚算唔错🥰香港卤水车仔面 $78呢个价钱系同出边既车仔面差好多，就系想试下点解佢要卖呢个价钱😂😂份量黎讲都算充足，但味道就一定唔及香港地道既车仔面咁吸引，呢个就唔系特别推介🤫价钱：🌕🌕🌕🌑🌑一碗粉面既价钱黎讲有啲贵，虽然唔算话细碗同埋面有好多𩠌既，但系呢个价钱如果系加埋前菜/饮品会抵食好多🙈交通：🌕🌕🌕🌗🌑位于愉景新城，如果荃湾/荃湾西站行过去会有啲距离，但系揸车人士就好方便，车位多又有泊车优惠，食完仲可以顺便行埋旁边宜家家私🤪🤪环境：🌕🌕🌕🌕🌑铺头位置非常阔落亦都好光猛，本身愉景新城都唔系话人流好多，疫情下想静静地少啲人食午餐都系一个唔错既选择😎性价比：🌕🌕🌕🌘🌑如果系一行好多人想食唔同款式既粉面，或者想揾个坐得舒服既地方，呢间餐厅会系一个好选择，但味道同价钱黎讲就唔系太抵食，食过一次就可以😝😝🙈🙈🙈