相馬日式火鍋 (已結業)

位于荃湾既相马日式放题距离地铁站行十分钟既大鸿辉中心，虽然位置有点偏，但好在地方非常阔落，成层都系餐厅。朋友同我简左个卡位坐，仲可以望到荃湾夜景。——————-238 蚊既日底火锅放题有特级靓牛肉同埋猪肉同鸡肉一份。 ——————-汤底方面，我地简左个日底猪骨汤（呢个好味）， 同中华辣汤底，稍嫌过咸，味道一般。啤酒另外加58 蚊免费添饮， 系日本既生啤啊！ ——————-除左啤酒另叫， 其他饮品系自助，饮品选择都好多， 惊喜既系有coke plus, 食得放题咁肥腻既野，有coke plus 减少脂肪吸收， 仲唔系放题恩物？ 又有韩国既乌龙茶， 牛奶梳打， 本人最钟意饮lotte既桃味牛奶梳打，非常旱见，又好饮。又有热既抹茶。 ——————食物选择都颇多， 好多菇简，金珍菇， 茶树菇， 芋丝， 大芽菜，荀，粟米仔，唔同蔬菜，另一边又有龙虾芝士波，爆多芝士， 墨鱼丸， 鱼皮饺， 鱼蛋，手打乌冬，幼面。——————最后食饱饱，有忌廉泡芙同埋雪糕， 同朱古力喷泉，同水果。 抹茶雪糕仲有一小包既夹心士多啤梨云呢拿雪米糍都好好味。成个雪柜比我清左，哈哈！