想甜嚐甜

营业中

休息中

开心星期五相约好友去到大角咀食串烧，见时间尚早有少许意犹未尽，食埋甜品渡过完满一夜。Jacob橙心太软配乳酪雪糕 $60 曾经食过一间名牌橙皮朱古力，天然橙香配上苦甜朱古力，香气甜度恰到好处，自此以后对于橙味朱古力尤其喜爱。见小店提供多款心太软口味选择，选来心仪的满心欢喜地期待着，一切，咦？ ！说好的流心呢？冇嘅。不过撇除太熟有少少失望之外，蛋糕朱古力味香浓，配埋微酸嘅乳酪雪糕甚是匹配。好友嘅开心果味倒有惊喜，切开如泉涌之余果仁香自然，好好食，下次会encore。玄米小丸子红豆鲜奶 $45另一半怕太饱滞，选来简单一点嘅糖水。配料有红豆、小丸子、咖啡果冻、椰果、玄米脆脆等等，恰如其分但没大惊喜。整体食物水准以上，惟其中一个店员比较严肃，令人有压力，如果可以寛容少少更好哈哈。