火滾肥牛海鮮火鍋專門店

营业中

休息中

今日去揾朋友食饭，朋友住开呢头推荐呢间火锅店，话可以试到好多其他火锅店少有嘅唔同牛肉嘅部位🤤手切牛肉就叫左腩包，挽手，金钱展同封门柳嘅位置，餐厅好贴心甘写埋煮牛肉嘅黄金时间，类似台湾温体牛嘅食法，烚到微微粉红色就啱啱好😍每个牛位置嘅肉质同口感都会有吾同，非常有惊喜，好似挽手系牛味比较浓郁而且口感烟靭，金钱展就爽口脆身，腩包就系肉质同油脂味道香浓，呢啲真系出面火锅店都比较难试到嘅部位😎另外叫咗个手打四宝丸，有牛丸，猪肉丸，墨丸，鲜虾丸，全部都系自家制，我特别推介个牛丸食落去牛嘅香味浓郁而且肉感扎实弹牙😋另外呢度嘅台山蚝真系有惊喜食落去蚝嘅肉身肥美肉厚而且味道鲜甜🤩之后我地仲叫左个刺身三文鱼份量十足😈，呢个价钱又大份又抵食。