Homeland (牡丹大廈) (已搬遷) 新店位置

同朋友系奥海城shopping完, 佢带我去左间系附近既餐厅食晚饭. 估唔到咁多人, 好彩我地早去, 坐底无几耐就full. 门口彩色招牌好吸引, 入到里面都系彩色布置, 心情都舒服D.有部份食物系店舖限定, 当然要试下喇!泰式柚子蟹肉沙律因为泰式, 都有微辣. 好多柚子同蟹肉, 酱汁辣辣地酸酸地, 好开胃, 饭前沙律推介. 番茄同洋葱都好清甜, 蔬菜都好新鲜!肉酱芝士四重奏千层面面舖满芝士, 肉酱份量足. 芝士好香, 千层面热辣辣, 松厚软身, 夹埋一齐食真系一流!香烤乳猪配西班牙果酒烧汁真系要推介呢个乳猪, 乳猪皮超级脆卜卜, 一拮就分开, 肉质好香好嫩滑, 完全唔使用力咬. 加埋特制西班牙果酒烧汁, 甜甜地, 好好味! 仲有个薯蓉配菜都好食, 可能我本身钟意食薯蓉喇~招牌甜品拼盘呢个甜品拼盘好有特色, 放得好靓, 有好多款生果, 焦糖香蕉, 士多啤梨, 哈蜜瓜, 提子, 番石榴等. 蛋糕方面有朱古力慕丝蛋糕同埋芝士蛋糕. 另外仲有雪糕, 竟然系姜味, 好特别! 香甜既生果配埋蛋糕一齐食, 唔错!薄荷朱古力朱古力味好浓, 我至like, cream上面仲有朱古力酱, 仲有条朱古力手