Green Common (如心廣場二期) (已結業)

荃湾依间装修得唔错，全落地玻璃，光线充足。之前有系度买过野，但就第一次黎食，虽然佢平时卖既野几贵，但佢lunch价钱都算ok，而且款式都算多。同朋友分别叫左一个未来汉堡咖喱饭、未来猪柳汉堡配薯条。个咖喱饭其实都几颓，佢块汉堡因为系素既关系，所以比正常既干身同薄身，而个汁系有咖喱味，但就偏稀无乜配料，而面头既紫菜系淋既，另外个饭算系比较好，因为个人钟意食红米饭，所以整体食落都好一般。依个猪柳汉堡配薯条就比个咖喱饭好，佢个包软身，入面既菜同番茄都好新鲜，而个肉一样系偏干，但成个食落系真系同平时食既差唔多，唔似食紧素。而最惊喜系个薯条，佢粗身得黎又炸得岩岩好，外脆内软，而份量都算多。最后试埋佢个燕麦奶latte，饮落无牛奶咁厚身，同埋咖啡味唔太浓，个人就一般。