爆丼屋 (已搬遷) 新店位置

今日约咗朋友收工后食晚餐，系Megabox转一圈后发现1楼有间新开既日式丼饭店，睇门面已经好吸引，门口有萤幕不断展示诱人既丼饭跟住睇一睇openrice先知原来系旺角人气日式丼饭店既第一间分店，平时去总店都系要排队，而家可能因为新开而未有人龙，立刻入去先食为快店内位置不多，大约可容纳30人，桌椅都是木材质，很有日式简约风格，台上放了酱油和饭素，让客人自己自由调味主打的丼饭由约150蚊至300蚊都有，最后拣咗中价位既2个丼饭。黎到食海鲜丼饭有大量选择，就算食熟食都有几款唔同既烧牛肉丼饭鹅肝海鲜盛丼 $248 呢个丼饭既材料好丰富，有火灸帆立贝、烧鹅肝、海胆、黑鱼籽、三文鱼籽同生蛋黄，睇相都知就黎溢出个碗咁满火灸帆立贝围绕住饭面，我好奇数一数总共有成12件，微微既火烤香味盖过咗贝类既香甜，但配合饭就算几好既。烧鹅肝油香还可以，虽然大块但唔够厚身令到食落唔够满足。不过放系鹅肝下既帆立贝几有惊喜，因为渗入咗油脂味特别惹味北海丰盛丼 $198叫得做丰盛丼都知道唔简单，赤虾大大只想游出个碗咁，仲有火灸左口鱼裙边同生帆立贝赤虾几爽甜，单食仲好过配饭。左口鱼几滑，咸味几突出。帆立贝就有返一种鲜甜既感觉