元気寿司 (西九龍中心)

营业中

休息中

我一家人都好钟意食寿司，经常都会去日本餐厅食野，元气系其中一间我经常光顾的日本餐厅。元气既寿司真系唔错，定期会转换款式，例如一些季节时限推出既寿司 - 松叶蟹卷。呢款寿司卖相都好靓，味道特别，而且味道配合效果亦好好。寿司定食方面，价钱又唔算太贵，又多款式可拣，一个人都食唔哂，可以同大家share食，再叫一些小食配搭。刺身方面，叫左一碟三文鱼刺身，每一件都好厚，叫一碟都唔够食，因为太中意食三文鱼啦。灸烧左口鱼寿司系我近排都好中意食既寿司之一，一咬落去就融化，感觉好特别。另外，三文鱼头汤亦好吸引，汤既味道好浓郁，亦有三文鱼头和配料在汤内让人进食，中意食三文鱼既人可尝试这汤。甜品方面，芝士蛋糕同朱古力蛋糕都好好食，而我个人中意食较冰冻既芝士蛋糕。另外，元气既环境地方都好宽敞和整洁，令人有舒适既感觉，值得大家去尝试。