梨滿園韓國料理 (已結業)

呢间位于旺角女人街既韩国餐厅，人流唔算多，整体环境气氛都令人感觉到传统既韩式餐厅风格，餐厅可以韩烧，亦可以叫传统韩式菜式，都算系好多选择。呢幅壁画几靓！今次叫左碟烤肉什锦拼盘，入面有鸡牛猪，鸡同牛都腌左，烧完好好食，肉质好嫩，配搭生菜同面士酱一齐食，唔会太腻之余仲可以食得有营少少😋 而五花腩就系原味上，但好厚切，小编钟意烧到过晒火，焦焦地咁食，猪油都晒出黎，变到几脆口，另一面就烧岩岩好熟咁，食落又脆又正！小编仲叫左石头锅牛肉饭同人参鸡汤，先讲个饭，呢个石窝饭好劲，热力可以维持好耐，要尽快捞好个饭，如果唔系底下就会变到好焦，就算小编keep住捞，个饭底都可以做到焦脆感，可想而知个窝有几咁高温，所以捞既时候都要小心😂味道方面我觉得系几好食既，可以加入韩式辣酱，会更美味！而人参鸡汤黎讲，我觉得就一般般啦，鸡汤冇鲜鸡味，只饮到好似滚水冲既人参味，所以呢道菜系有待改善！