肉餅哥小炒料理 (已結業)

今日放假系屋企懒洋洋，唔想出街食，就系apps到揾外卖食，肉饼哥其实之前食过觉得ok，所以同妈妈一齐叫黎食。外卖等左半个钟左右就送到啦！总共叫左两个餐share黎食，唔算十分贵既。呢个虾膏蟹盖煎肉饼配菜饭几正。卖相唔错，有个原只蟹盖，肉饼几鲜味，入面有小小虾肉丝，份量都刚好。不过可惜送到黎唔系好热，如果刚煎起食应该更正。个菜饭就普通啦，菜味唔太出。另外呢个金沙蛋黄煎肉饼就有啲漏，表面布满左蛋黄，好蛋油。其实味道好出既，但真系漏到食唔哂。