The BASE nature (已結業)

今日放假入咗荃湾行街食饭，入荃湾真系好方便，无论系边个区域都有交通工具好快就到，最紧要荃湾多商场同埋多美食，今日同朋友经过荃新天地，见到间西餐厅都几吸引所以入去试吓。The BASE Nature , 地址喺杨屋道1号荃新天地一期 UG 70号舖,餐厅虽然唔系好大,但系装修得好整洁,比到我一种好舒适嘅感觉,同朋友喺度倾偈食饭都几舒服。墨汁带子海鲜意大利饭 138 元，意大利饭卖相都几吸引，墨汁意大利粉同带子颜色刚刚相反，带子入口味道鲜甜，厨师将带子煎到啱啱好完全保留到应有嘅鲜味，意大利饭烟烟韧韧，吸收左墨汁同带子嘅鲜味，味道层次都几丰富。虫草花黑松露米形粉 128元，第一次食米形粉，绝对系有惊喜，口感烟韧真系好特别，香浓嘅黑松露已经融入咗粉入边，口感香滑，又有清新嘅虫草花黑松露味，真系好好食。慢煮鸡胸沙律 78元，鸡胸用慢煮嘅方法炮制，肉质特别嫩滑，配埋沙律一齐食又清爽味道又香甜。，非常健康嘅一道菜朱古力脆脆蛋糕 88元，口感好幼滑，朱古力味道香浓，又唔会太甜，味道啱啱好，食完饭再加个甜品真系冇得输杂莓夏洛特蛋糕 88 元，卖相相当吸引，入口味道香甜，真系好好食，呢款蛋糕我会推介俾朋友