天下糧倉牛肉火鍋專門店

营业中

休息中

今日同男朋友久违地出旺角行街，虽然天气好热但想过过边炉瘾🤣见到呢间主打系和牛牛肉放题瞬间就比佢吸引左🤩上到去见到楼面唔算好大，但环境好干净，而且员工好有礼貌。我哋叫咗一个鸳鸯汤底，分别拣咗牛骨汤同埋四川麻辣汤，汤底一到已经闻到麻辣嘅味道，简直令人流晒口水，喺等待牛肉嚟嘅时候，我周围睇吓佢嘅食物柜，都有好多唔同嘅食物可以拣，例如鹅肠，鸭胸，猪大肠呢啲平时比较少见嘅食材，而且佢仲有龟苓膏食，可以俾大家下下火，牛肉嚟到嘅时候，真系一个视觉上嘅享受，一大盆牛肉而且有唔同嘅部位介绍，咁就可以知道自己钟意嘅牛部位喺边方便再叫👍由于男朋友唔食得太辣，所以我哋嘅麻辣都系拣咗小辣。汤底系打边炉既精粹，两个汤底比较之下麻辣真系完胜，一堆食材劲足料令汤底超浓郁，香口得黎又唔会太辣，每样野食抌落去都吸晒浸香味，好味到令唔好辣既男朋友都食唔停口。牛肉既种类每款都几重牛味同够嫩口，最推鲜牛肉同牛板腱，食到停唔到口。而且牛肉嘅份量真系好多，我哋两个都差啲食唔晒，饱到想试埋猪肉同羊肉都试唔到，唯有等大家试完话我哋听好唔好食。其他配料方面最推鹅肠，白菜猪肉水饺同响铃。食完所有野之后仲有唔同味雪糕(朱古力味最正)可以收尾