阿里郎熱狗棒 (已結業)

经开旺角成日见到呢间外卖店都有人买来食，睇到店面几特别，系以韩式炸热狗棒为招牌，多达15款🌭另外仲有炸鸡、Burger同饭卷！不过好可惜当日我地想食炸鸡，无炸鸡；想食炸鸡Burger但因为无炸鸡所以都无得叫呢款burger；想叫饭卷，无饭卷；就连想食既热狗棒果几款都无🥲 唯有试其他～.我地要左4款热狗棒，店员用个大盒装住，另附上数包茄汁同黄芥末酱，我地拣左：阿里郎(原味)、薯条鸳鸯芝肠、薯条同拉面肠。主要其实系以香肠，裹上炸粉浆同唔同既配料然后油炸，所以整完即刻食就最香！薯条鸳鸯芝肠，食一口后有拉丝效果，芝士几香，而薯条系粗格状，点茄汁就最夹；而拉面款即炸粉浆外铺满拉面碎，口感脆脆地好得意。.另外我地仲点左烤牛肉饼汉堡同韩式炒粉丝，烤牛肉饼汉堡几特别，有异于平常食到既牛肉汉堡，佢系牛肉碎加上大量洋葱整成既牛肉饼咁，食落去爆汁juicy，而且洋葱增加左香甜！而韩式炒粉丝都唔错，几大碗，粉丝好弹牙，加上大量葱、韮菜同萝卜丝炒，酱汁带微甜，好有口感！