Rico Rico

营业中

休息中

餐厅装潢有点格调，座位好阔落，坐得舒服。西班牙青椒 & 白毛猪火腿薯球餐厅Tapas选择几多，青椒好大碟，口感爽脆，调味刚好，而薯球外层炸得好香脆，薯蓉几绵密，加入火脚带点咸香，唔错。西班牙黑毛火腿 & 三款芝士拼盘拼盘分别有西班牙黑毛猪辣肉肠、猪肉肠及火腿，共4款。另外会配搭薄多士片，多士烘得好脆身，可以同蕃茄蓉一齐食。而芝士有3款(Manchego、Camembert & Saint Maure)，配搭松露蜂蜜好吃!加利西亚八爪鱼八爪鱼几弹牙，份量都唔少，最底嘅薯蓉带点芝士香，而面头铺咗沙律菜，几清新。招牌香烤脆乳猪一切落去就feel到乳猪外层非常脆身，肉质好嫰滑，旁边嘅炸薯亦好香脆，好好食呀！泡芙雪糕 & 巴斯芝士蛋糕甜品几有惊喜，泡芙几酥脆，中间夹住云呢拿雪糕，最顶沾上黑朱古力，好夹呀！而巴斯克芝士蛋糕好香滑，口感非常绵密，甜度亦刚好，好吃！仲点咗杯Red Sangria & White Sangria，两款都充满水果香，而且好易入口。整体餐厅环境及食物质素唔错，个人几喜欢Tapas选择够多，好啱约埋朋友边饮番杯边倾计。