Burger Circus

营业中

休息中

身为汉堡迷，今次就黎左呢间食汉堡同小食啦。American Cheese Burger 个汉堡一咬落去好多汁！落酱汁都几重手，不过个circus酱都几香，配埋肉同芝士几好食。Fish Fillet个包一黎到成个都劲热，热到食唔到咁济！入面嘅鱼柳系新鲜炸起，食落唔会好咸，岩岩好，好香脆。Circus Fries薯条上面有啲酸忌廉同炸到好脆嘅烟肉粒。但系薯条就唔系好够热，黎到已经系暖嘅，不过上面啲烟肉同酸忌廉搭埋薯条个味道都唔错。1/2 Dozen Wings今次拣左honey garlic酱，甜得黎又有少少酸嘅感觉，都几好食。Onion Rings洋葱圈黎到都唔系特别热，但系味道唔错，外面啲炸粉唔会太厚，又可以食到洋葱嘅甜味，几香口。Salted Caramel Milkshake杯奶昔有啲甜，不过其实叫得奶昔都预左佢系甜嘅。饮落个味道都几好，特别系佢哋啲饮筒系用意粉做嘅，好得意，不过就唔记得左影相。整体黎讲啲嘢食都几好味，而且份量唔会太少，都食到好饱。不过就有啲贵，两个人食左大概$490左右。