桜 (已結業)

入开元朗做野，心血来潮想食日本野，但又唔系好多时间，就决定食返平时食开既手卷店啦！平时系道就食开刺身，今次就决定唔好咁闷试下其他野食，拣左蟹将军！因为蟹系即叫即炸既，所以都等左少少时间，终于有得食啦！成只软壳蟹铺左系饭面，仲有蟹子同蟹柳等既配料，好吸引呀，都只系$52，真系好抵！首先食一啖蟹先，岩岩炸起好热呀，一咬落去仲有肉冲’bi’出黎，好juicy！你睇下只蟹都几大只，炸到金黄色，天气冻冻地既时候食好暖胃。饭上面都铺满唔少蟹子，谂住将佢同D饭捞埋一齐既时候，先发觉原来蟹既底下都铺左好多蟹柳，令你食落个时唔会净系得饭咁单调，加分！！蟹肉、蟹子、蟹柳，真系名不虚传既蟹将军！食完依个虽然都已经好饱肚，但都系忍唔住食返个刺身手卷先系最满足！海胆三文鱼子！依个组合真系冇得输，睇下份量几足！！一口咬落去，食到三文鱼子既咸香，再加埋海胆既鲜甜，真系回味无穷，佢既三文鱼子大大粒好饱满，而海胆有少少甘甜同creamy，唔会话细细粒食两啖就冇，依个组合暂时系我最钟意既！