Platform (已結業)

嚟到大围新开无耐嘅Platform，呢盏白鸽灯都几别呀！佢哋用咗牛皮纸做餐牌，除咗各式咖啡饮品等等之外，仲有几款主食同甜品。原本想食嘅嘢卖晒，咁就叫咗个马铃薯团，系先要将顶层嘅温泉蛋捞匀咁食嘅。浅黄色细细个嘅马铃薯团嘅外表好似蚕蛹仔咁，质感非常烟韧。个忌廉汁入面有啲切成一粒粒嘅烟肉同洋葱，同埋仲有啲白菌同芝士粉，加埋一齐嘅味道唔错。不过啲汁都几多下，唔排除有人会觉得太过湿，有少少似放汤咁，但对于好似我呢啲钟意多汁嘅人嚟讲都唔错嘅。