Ben哥米線 (已結業)

算抵食既晚餐黎講，三個餸，43蚊。佢勝在有幾款湯底，有蕃茄，酸辣，麻辣，酸辣蕃茄。對於一個唔會揀清湯既人黎講，呢間確實有好多湯底你選擇。而佢既料係好多，份量大大份。我點左麻辣小辣五穀米線，五穀有，米線，蕎麥面，玉米，黑米，高粱。其實幾特別，同聽講對健康好。不過小辣都唔係好辣，可以點中辣。另外，豬紅幾滑，又大粒。蜂巢豆腐配麻辣好夾，豆腐吸哂個湯底，好香。墨魚丸又彈牙。仲有凍飲另加2蚊，算好平架啦！不過間鋪頭無staff，要自己招呼自己。